Последние публикации Поскачин В.С.

Олохтоох бэйэни салайыныы диэн сарсыҥҥы эрэ мунньаҕынан быһаарыллыбат тыын боппуруос. Дьон-сэргэ саҥа өйдөөн эрэр, ити аҕыйах депутат улуустары кэрийбитэ буоллулар да таах көрүнньүк курдук аҕыйахтыы киһини, үксүн былааска сылдьар, утары саҥарар кыаҕа суох муҥаайахтары мунньа-мунньа бүтүн улуус дьоно өйөөбүттэрин курдук туох да сирэйэ-хараҕа суох сымыйаны кэпсээтилэр. Бу маннык сиэри-сокуону кэһиини отой аһаҕастык оҥоро сылдьар дьону киһи хайдах норуот туһугар кыһанар, дьиҥ норуот дьоно диэхтээҕий? Ама да былаас наадатын, ханнык эрэ тойоҥҥо бэрт буола сатаабыт иһин наһаалааһын. Сатаатар дьон барыта билэр ээ, федеральнай былаас Ил Түмэҥҥэ олохтоох бэйэни салайыныыны республика дьонун историятын, традициятын учуоттаан туран онно сөптөөх сокуону ылыныҥ диэбитин. Историяҕа маннык улахан шанс саха омугар өссө суох этэ. Ону мүччү түһэн биэрии диэн саат-суут буоларын ама бу дьон, бу депутаттар өйдөөбөттөрө буолуо дуо? Норуот, интеллигенция депутаттарга тылгытын тиэрдиҥ, бу сокуону киэҥ дьүүллэһиигэ таһаарары туруорсуҥ! Сөп буолуо диир хайа муҥун уолдьаста!

Аны Сивцев Яков Семёнович тугу этэрин истиҥ.

Бу сарсын буолар парламентскай истиилэргэ анаан видеолары устан ыыттым. Кылгас-кылгас алта видео уонна сэттиһинэн барыта бииргэ холбоон. Саха омук инники дьылҕатын туһунан толкуйдуур дьону кытта санаа атастаһаары. Ким сэҥээрбит эбэтэр сэмэлээбит бэйэҕит комментарийгытын ыытаргыт буоллар миэхэ көмө буолуо этэ. Улуу поэт Бүөтүр Одорусов эппитин курдук "кириитикэ диэн кислород".