"СИЛИС" түмсүү алгысчыта Ачыат бүгүн Одун хаан, Чыҥыс хаан ы...

«СИЛИС» түмсүү алгысчыта Ачыат бүгүн Одун хаан, Чыҥыс хаан ыйдара саҕаламмытынан кинилэртэн ил-эйэ туһугар, уолаттарбыт этэҥҥэ дьиэлэригэр кэлэллэрин туһугар алгыс ыытта.
Бастакы маннык тэрээһин диэтэххэ элбэх киһи кэлбит. Уонна алгыс ыытыһа турар дьоҥҥо дьикти күүс, өй-санаа үөскүүр эбит. Алгыс кэнниттэн дьон үрэл гынан хаалбакка син ботумчу таалан баран турдулар. Мин эмиэ. Тоҕо алгыс бүтэн хаалла диэх курдук.
Маннык таһымнаах алгыс баарын сорох дьон саҥа билэннэр соһуйдулар да, үөрдүлэр да.
Биһиги ыыппыт алгыспыт Үөһээ Айыыларга тиийэн Аан Дойдуну аймаабыт анал байыаннай эпэрээссийэ тохтуо, уолаттар дьиэлэригэр чөл туруктаах кэлиэхтэрэ диэн эрэл санаалаах тарҕастыбыт.
Аар Айыы Тойон Таҥара баар!
Сирбит-уоппут, баайбыт-дуолбут, инникигэ эрэлбит баар!
Саха самныбат саргыта баар!