- За время СВО 12 якутян удостоены звания Героя России! За к...

— За время СВО 12 якутян удостоены звания Героя России! За каждой Золотой Звездой Героя – беспримерный подвиг солдата, а также ЛИЧНОЕ участие Главы Республики.

Бу хайдах эрэ хайҕааһын эбит ээ. Уолаттарбыт Герой буолбуттарыгар аны ити Айсен Николаевка махтаныах тустаахтар эбит… Дьикти эбит, ол аата кэпсэтииннэн Герой буолбуттара диэбиттэр дии, бу Айсен Николаевы арбыыр суругу бэлэмнээбит дьон.
Ону баара бастаан Алеша уонна Филипп диэн танкист уолаттарбытыгар аҕыс тааҥканы урусхаллаабыттарын кэннэ, ону көрөн олорбут Россия дьоно барыта Геройу биэриэххэ диэн туруорсубута. Ол кэнниттэн Тута беспримернай рукопашнай киирсиитэ Аан Дойдуга видеонан тарҕанан, нуучча-саха барыта билинэн Герой буолбута. Ити Медведь диэн уолу былырыын эмиэ Геройга түһэрэ сылдьыбыттара, бу аны быйыл биир абытайдаах штурмҥа киирсиитин кэннэ, икки атаҕа суох хаалбытын кэннэ саҥаттан  Геройга түһэрбиттэрэ, командованиета. Наһаа ытыктыыр киһилэрэ эбит, дьиҥнээх сэрииһит. Атын да Геройдарбыт бары бэйэлэрин хорсун быһыыларын иһин итинник ааты-суолу ыллылар ини. Ама Россия Геройун кэпсэтииннэн биэрдэхтэрэй? Сүрэ да бэрт дии. Харса суох хорсун сэрииһит буоланнар итинник аат-суол иҥэрэллэр.
Бу маннык намёктааннар наһаалаабыттар эбит, ама да бэйэлэрин хайҕаныахтарын баҕарбыттарын иһин. Саастаах, үтүөлээх баҕайы дьоммутугар илии баттатан хайаан. Түһэн хаалбыт авторитеттарын хайдах да көтөҕүөхтэрин билбэккэ ити дьону уган биэрэллэр. Таарыччы Герой уолаттарбытыгар күлүк түһэрэллэр. Оннук ньэгэй дьон республикабытыгар былааска олороллор. Ити илии баттааччы барахсаттар бары да ситэри аахпахха баттаабыттара буолуо диэн сэрэйэбин эрэ, бары да сэбиэскэй, көнө иитиилээх дьон буоллахтара. Тойон эппитэ сөп буолуо диэбиттэрэ буолаахтаатаҕа…